Ақтөбе облысында мемлекеттік мекемелерге күрделі жөндеу жүргізген мердігер компаниялар үкіметтен араша сұрайды. Сөздерінше мектеп, балабақша, емханаларды жөндеуге мемлекеттік тапсырыс берген компаниялар арада төрт ай өткеннен кейін қысқы мерзімге төленетін коэффициентті қайтаруын талап етіп жатыр. Тапсырыс берушінің мұндай талабы не жобалау құжатта, не келісім шартта көрсетілмеген деген кәсіпкерлер мемлекеттік мекеменің әрекеті заңсыз деп отыр.
Аманбай Сарманов осыдан төрт ай бұрын үш балабақшаға күрделі жөндеу жүргізу үшін мемлекеттік тапсырыспен 190 миллион теңгеге тендер ұтып алғанын айтады. Алайда келісімшартта белгіленген жұмыстардың бәрін уақытылы аяқтап, құрылысқа кететін шығындарды өтеп болғаннан кейін тапсырыс беруші бөлінген қаржының екі пайызын сұрап, сотқа берді дейді.
АМАНБАЙ САРМАНОВ, «Мехрем Сервис Автоматика» ЖШС атқарушы директоры:
– Мысалға 190 миллионға істеп бердік. Енді соның бізге екі процентін қайтарып беріңдер дейді төрт айдан кейін. Берген келісім шартта, сметада қысқы коэффициент деген бар. Сол сіздер жазда жұмыс жасадыңыздар сондықтан қысқы коэффициентті біз есептемейміз дейді. Біздің өзімізден бес миллион ақша.
Бұл кәсіпкерден басқа осындай талапқа ұрынған облыс бойынша жиырма шақты мердігер компания бар екен. Қазір солардың бәрі құзырлы мекемелерге араша сұрап арызданып жатқандарын айтады. Ал кәсіпкерлікті қолдау басқармасы болса кәсіпкерлерге тендер ойнатқан мекемелердің әрекеті заңсыз деп отыр. Сөздерінше қазір сұрап отырған екі пайыздық коффициент не жобалау құжатта, не келісім шартта көрсетілмеген.
РУСЛАН КУЙШИНОВ, Ақтөбе облыстық кәсіпкерлер палатасы директорының орынбасары:
– Договорда жоқ. Поэтому ол заңсыз. Егер договорда болса немесе қосымша соглашение болса заранее айтылған. Онда разговор жоқ. Тогда да. Тогда предприниматель обьязан возвратить.
Кәсіпкерлікті қолдау басқармасы жағдайдың аражігін ажырату үшін прокуратураға хат жолдағандарын да айтады. Алайда заң қорғаушылар мәселені тек сот арқылы ғана шешесіздер деп хаттарын кері қайтарыпты. Енді олар кәсіпкерлердің ісін сыбайлас жемқорлыққа қарсы кеңеске салмақшы екен.
Жанар Қожанова, Бағдат Баймурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар
Информбюро 31
Дата выпуска: 26.01.2021
