Әр үйдің сыры басқа отбасының әр адамның өміріндегі алатын орны мен бала тәрбиелеудегі ата-ананың роліне арналған. Жоба көрермендер басынан өткерген түрлі оқиғаларға негізделгендіктен, оның кейіпкерлері бізге таныс адамдай көрінуі мүмкін. Басты назарда - ұрпақтар арасындағы, ерлі-зайыптылар мен туысқандар арасындағы қатынастар. Динара өзінің анасымен бірге тұрғанымен, онымен тіл табыса қоюы қиын. Бойжетіп қалған жас қыз достарымен бірге емін-еркін жүргісі келеді, алайда анасы ол үшін үнемі алаңдап, кешке қарай қыдырып келуге жібергісі жоқ. Сондықтан олардың арасында үнемі кикілжің туындап жатады.
Динара анасының сөзіне құлақ аспастан серуендеуге кетеді. Мұны көрген анасы қатты алаңдайды. Қыздың әкесі олармен тұрмайтын еді, бірақ қызы оған анда-санда хабарласып, кездесуге шақырып тұрады. Әкесі жұмыстан қолы босамайды әрі уақытының көбін сүйіктісіне арнағандықтан, қызымен дидарласуға уақыты бола бермейтін. Әке-шешесі дәм-тұзы жараспай, баяғыда ажырасып кеткендіктен қазір де бір-бірімен араласпайды. Динара кейде әкесінен өзін алып кетуін өтінгенімен, ол мұның мүмкін еместігін айтады. Оның өмірінде қызына орын жоқ еді.
Әр үйдің сыры басқа онлайн хикаясында өз баласын жақсы өмірмен қамтамасыз ету үшін екі жұмысты қатар алып жүрген ананы көреміз. Ол өзі мен қызына ақшаны емін-еркін жұмсай алмайды, үнемі тартыншақтап жүргені, ал мұны қызы түсіне алмайды. Ол өзге қыздардан қалғысы келмейді, сондықтан өзінің барлық сәтсіздіктерін тек анасынан көреді. Осының бәрі оның бұдан кейінгі өміріне қалай әсер етеді екен? Мұндай оқиғалар өте көп және олар түрліше аяқталып жатады. Дегенмен әр саналы адам тәрбие мен ата-анасымен қарым-қатынастыңөмірдегі рөлі ерекше екенін түсінеді. Сонымен бірге әрбір адам тәрбие мен бала кездегі ата-аналарымен қатынастың өмірде алатын орнының үлкен екенін жақсы біледі.
